Scɼíbhneoiɼeacht Acadúil, an Chéad Pheaɼsa Uathach ⁊ an Bɼiathar Saoɼ

Monaghraf le Míċeál Ó Loċlainn

28ú Mí Meáin Fhómhair 2023 dáta a chéadfoíllsithe.

Foɼbɼeithniú aɼ nósanna maɼ le glóɼ an údaiɼ

Tá dhá scoil smaointeoireachta ann i dtaobh ghlór an údair sa scríbhneoireacht acadúil:

an chéad phearsa uathach: “scrúdóidh mé”, “fiosraidh mé”, “measfaidh mé”…; “scrúdaíos”, “d’fhiosríos”, “mheasas”…; “I shall examine”, “I shall investigate”, “I shall evaluate”…; “I examined”, “I investigated”, “I evaluated”…
an briathar saor: “scrúdófar”, “fiosrófar”, “measfar”…; “scrúdaíodh”, “d’fhiosríodh”, “measadh”…; “It will be examined”, “It will be investigated”, “It will be evaluated”…; “It was examined”, “It was investigated”, “It was evaluated”…

NB: An daltha ’tá i mbun scríbhneoireachta acadúil i mBéarla, ba chóir go mbeadh ar a gcumas shall agus will a úsáid i gceart.

Agus tú ag scrí aiste / ailth acadúil mar chuid d’obair chúrsa léinn:

Lean an treoir a tugadh duit.
Dein pé rud a deir an treoir sin i dtaobh an chéad phearsa vs an briathar saor.
Mara ndeir an treoir éinní ina dtaobh, pléigh an cheist led léachtóir / stiúrthóir.

Mar sin féin, d’fhéadfadh sé ’ bheith amhlaidh gur cuma sa tsioc led léachtóir / stiúrthóir peocu glór a roghnaíonn tú.

Más amhlaidh athá, roghnaigh do rogha ceann acu!

Ach t’r éis doit do rogha ’ dhéanamh, cloígh leis go docht daingean ó thús deire t’aiste nú t’ailth.

Ná measc an dá ghlór sa cháipéis chéanna choíche.